Da Roberti

Verse 1:
Da Robert war seit seina Kindheit, a recht a anständiger Bua
A da Arbad oiwei recht fleißig, beim Furtgeh de mehra Zeit zua
Guad er hod a gloans Beichei, er is hoid a stattlicha Mo
Mied de Diandl isa a wenig schüchdan, aba sunnsd bassda scho

Verse 2:
Er is stets guad gekleidet, de Jobbn hobe säim fia eam gstriggd
Und mei er is so zuverlässig, wennen zum Eikaffa schigg
Iadz hädde hoid grod no a Anliegen, I suachad fian Roberti a Frau
Oane de wo ihra Babbn hoid, budzd und kochd des war a Schau

Verse 3:
Er is zwar nimma da Jüngste, doch er is no top fit
Seit lesdsds Jahr duada sogar wieda sportln, weil do hamms eam an Führaschein zwiggd
Seitdem fahrda Radl,ohne Schmarrn täglich, 4 Killomedda, de Kettn schee gschmiad
2 Killomedda hi, zwoa hoam vom Wirt

Verse 4:
Auf da Streggn do brichda Rekorde, wenna ohkimmd isa ganz vaschwidzd
Ledsdns hamms mein gloana Raudi in da 30ga-Zone sogar blidzd
Homazua noch circa 10n Hoibe übda in da Friesteil-Disziplin
Weng seine spektakulärn Schlangenlinien-Manöver, hoassns am Stammdiesch grod no Dänzingquien

Verse 5:
Iadz echt, woas denn koana oane, I bin ja ned anspruchsvoi
Wos hoid a Frau a so ausmachd, dass hoid Deitsche sei soi
Ja und grousse Hendd, dass a gscheid arbadn ko
Da Roberti konn ned ois aloa macha, er is schließlich a Mo

Verse 6:
Oiso Bixxn schloggds zua, so oan wia an Roberti habds es no nia gseng
Und dazua so a nette Schwiegamama, wer muas do lang übaleng